Kiel instali la Komputikan Leksikonon

La aranĝo de la distribuaĵo

• Unikodo — la plej bona, kondiĉe ke via foliumilo povas ĝuste surekranigi la uzatajn signojn — tion kapablas la Vindozaj Esplorilo-4.0 kaj Navigilo-4.1 kun la «tuteŭropa» Vindozo-32. La plej kompletan Unikodon disponigas nebela tiparo Lucida Sans Unicode, liverata kun la operaciumo. Por tia platformo mi rekomendas elekti iun belan kaj ĉiufasonan (kun kursivo kaj graseto) WGL4-tiparon (ekz-e Times New Roman aŭ Verdanan). Tiam, konforme al la stilfolio, Lucida Sans Unicode aperos nur en matematikaĵoj, fonetika transskribo kaj por ekzotaj signoj. Aliflanke, se vi ŝatas la tiparon Lucida Sans Unicode, aŭ se via foliumilo ne komprenas stilfoliojn, vi povas elekti en la foliumilo tiun tiparon por prezenti Unikodon.
• WGL4-subaro de Unikodo — sufiĉe bona, kondiĉe ke via foliumilo povas ĝuste surekranigi la uzatajn signojn (tion kapablas la Vindozaj Esplorilo-4.0 kaj Navigilo-4.1 kun la «tuteŭropa» Vindozo-32).
• Latina-3a — kun la normala prezento de la literoj de Esperanto.
• Latina-1a — en la norma signaro de TTT, kio postulas surogatan prezenton por la literoj de Esperanto (per cxirkaù-konvencio).

Ĉiuj varioj de la Leksikono estas generataj el unu sola fonta prezento (aro da tekstaj dosieroj en la Latina-3a) per C-programo. Vi povas preni pretajn HTML-dosierojn en konvena signaro, aŭ meme generi HTML-paĝaron el la fontaj dosieroj; cetere, tiel vi povas fari HTML-paĝaron ankaŭ en aliaj signaroj, nome KOI-8 aŭ pura Askio.

La tuta paĝaro rezidu en du dosierujoj:

1. la HTML-dosierujo, kies nomo ne gravas (supozu, ke ĝi estas KL)
2. la dosierujo KL/BILDOJ, entenanta dosierojn kiuj ne dependas je la signaro kaj kiuj nenion referencas.

Tiparoj por la signaro Latina-3a

sub Unikso

oni povas uzi la Latinan-3 en X (W3, Netscape k.a.), elŝutinte ekranajn tiparojn —

en Ameriko (Usono)

ftp://ftp.cs.indiana.edu:/pub/elisp/w3/fonts/iso-8859-3.tar.gz; ftp://ftp.cs.indiana.edu:/pub/elisp/w3/fonts/l3-tiparoj.tar.gz;

en Eŭropo

ftp.stack.nl/pub/esperanto/fonts.dir/adobe3.tar.gz; ftp://ftp.stack.nl/pub/esperanto/fonts.dir/l3-tiparoj.tar.gz.

por Makintoŝo

M. Urban (urban@rand.org) faris du ekranajn tiparojn, peratajn de

ELNA, Esperanto League of North America, Box 1129, El Cerrito, CA 94530, 415 653–0998;

sub MS-DOS

oni povas uzi programetojn por esperantigi la ekranajn adaptilojn EGA, VGA: ftp://ftp.stack.nl/pub/esperanto/fonts.dir/iloj.zip. Eblaj foliumiloj estas doslynx kaj minuet.

sub MS-Windows

oni povas uzi kelkajn TTF-tiparojn, disponeblajn de

• http://esperanto.agoranet.be/courr_se.exe
• http://esperanto.agoranet.be/times_se.exe
• ftp://ftp.stack.nl/pub/esperanto/fonts.dir/lat3pttf.zip